پاکستان کے سیکرٹری خارجہ کے خط کے جواب میں بھارت نے ممبئی حملہ کیس سے متعلق مادی شواہد پاکستان کیساتھ شیئر کرنے پر آمادگی ظاہر کر لی۔
جمعہ کو دفتر خارجہ کے ترجمان نے میڈیا کے ایک سوال کا جواب دیتے ہوئے کہا کہ سیکرٹری خارجہ پاکستان کی جانب سے 8ستمبر 2015کو لکھے گئے خط کے جواب میں 6ستمبر2016کو بھارتی سیکرٹری خارجہ نے اپنے خط میں ممبئی ٹرائل کے حوالے سے مادی شواہد پاکستان کیساتھ شیئر کرنے پر آمادگی ظاہر کی ہے۔پاکستان کافی عرصہ سے ممبئی ٹرائل کیلئے مادی شواہد کا مطالبہ کرتا رہا ہے۔
ترجمان کا کہنا ہے کہ مادی شواہد اور استغاثہ گواہوں پر جرح پاکستان میں ملکی قانون کے مطابق مقدمے میں مزید پیشرفت کیلئے ضروری ہیں۔ہمارے قانونی ماہرین بھارتی سیکرٹری خارجہ کے خط میں تجاویز کے قانونی پہلووں اور طریقہ کار کا جائزہ لے رہے ہیں۔