آسٹریلوی ٹیم کے فاسٹ باؤلر جان ہیسٹنگز کی فٹنس مسائل کے باعث رواں برس دسمبر میں نیوزی لینڈ کے خلاف شیڈول ون ڈے کرکٹ سیریز میں شرکت مشکوک ہو گئی۔ہیسٹنگز فیلڈنگ پریکٹس کے دوران انگلی کی انجری کا شکار ہوئے تھے۔
30سالہ فاسٹ باؤلر نے اپنے بیان میں کہا کہ سرجن نے طبی معائنے کے بعد اس بات کی تصدیق کی ہے کہ میری انگلی میں فریکچر ہے اور اس سے مکمل نجات کیلئے مجھے چھ ہفتے لگ سکتے ہیں اسلئے نیوزی لینڈ کے خلاف ہوم ون ڈے سیریز میں شرکت کے حوالے سے کچھ نہیں کہہ سکتا۔