گورنر سندھ ڈاکٹر عشرت العباد خان سے جمعہ کو کور کمانڈر فائیو کور لیفٹننٹ جنرل نوید مختار نے گورنر ہاؤس میں ملاقات کی۔
جاری کردہ اعلامیہ کے مطابق ملاقات کے دوران صوبہ میں امن و امان کی مجموعی صورتحال، شہر میں جاری آپریشن اور دیگر امور پر تبادلہ خیال کیا گیا۔ ملاقات میں اس عزم کا اظہار کیا گیا کہ کراچی آپریشن آخری دہشت گرد کے خاتمے تک جاری رکھا جائے گا۔ گورنر سندھ ڈاکٹر عشرت العباد خان نے کہا کہ صوبہ میں قیام امن کے لئے رینجرز اور دیگر قانون نافذ کرنے والے اداروں نے بے شمار قربانیاں دی ہیں جنہیں رائیگاں نہیں جانے دیا جائے گا۔