امریکی ریاست نیوہیمپشائر کے تین چھوٹے قصبوں کے ابتدائی انتخابی نتائج کے مطابق ڈونلڈ ٹرمپ نے اپنی حریف ہلیری کلنٹن کو شکست دے دی ہے۔
غیر ملکی خبر رساں ادارے کے مطابق مٹھی بھر آبادی والے ان علاقوں میں ریپبلکن امیدوار ڈونلڈ ٹرمپ نے ڈیموکریٹ امیدوار ہلیری کلنٹن کے خلاف پچیس کے مقابلے میں بتیس ووٹوں سے کامیابی حاصل کی۔ ان تینوں علاقوں کے رہائشی اپنی انتخابی روایت کے مطابق نصف شب کو اپنے ووٹ ڈالتے ہیں۔ نیوہیمپشائر میں ووٹنگ کو امریکی انتخابات کا ’ٹاس‘ قرار دیا جاتا ہے۔