بھارت کے نئے آرمی چیف بپن راوت کا کہنا ہے کہ بھارت اور اس کی فوج سرحدوں پر امن چاہتی ہے لیکن اسے اکسایا گیا تو طاقت کے استعمال سے نہیں ہچکچائیں گے،بھارتی فوج کی حکمت عملی اور ترجیحات میں کوئی تبدیلی نہیں ہوگی۔
غیرملکی میڈیا کے مطابق نئی دہلی میں میڈیا سے بات کرتے ہوئے بپن راوت نے کہا کہ بھارتی فوج امن کے لیے کام کرتی ہے اور بھارت سرحدوں پر امن و استحکام چاہتا ہے لیکن یہ نہ سمجھا جائے کہ ہم کمزور ہیں۔انہوں نے کہا کہ ہم ہر طرح سے طاقتور اور باصلاحیت ہیں ،اگر ضرورت پڑی تو اپنی طاقت کے کسی بھی طرح کے استعمال سے پیچھے نہیں ہٹیں گے،بھارتی فوج کی حکمت عملی اور ترجیحات میں کوئی تبدیلی نہیں ہوگی۔
واضح رہے کہ بپن راوت نے بھارت کی 13لاکھ فوج کے سربراہ کے طور پر ہفتے کو ذمے داریاں سنبھالی ہیں۔