عراق کے شہر موصل میں روسی ساختہ گن شپ ہیلی کاپٹر ایم آئی 35 گر کر تباہ ہوگیا،جس کے نتیجے میں 4 افراد ہلاک ہوگئے۔
غیر ملکی میڈیا کے مطابق عراق کے شہر موصول میں ایم آئی 35گن شپ ہیلی کاپٹر گرکرتباہ ہوگیا جس کے نتیجے میں 4افراد ہلاک ہوگئے۔ایک اہلکار کے مطابق عملے کے سارے افراد ہلاک ہوگئے ہیں،ہلاک ہونیوالوں میں2 پائلٹ اور 2 ٹیکنیشن شامل ہیں۔اہلکار کے مطابق حادثہ تکنیکی خرابی کے باعث پیش آیا۔اہلکار نے مزید بتایا کہ کارروائیوں میں استعمال والے ہیلی کاپٹروں کا ضروری مرمت کا کام ہمیشہ تسلی بخش نہیں رہا ہےجس کے سبب حادثہ پیش آیا ہے۔