نیوزی لینڈ نے بنگلہ دیش کوتیسرے ٹی ٹوئنٹی میں ہرا کر ٹی ٹوئنٹی سیریز میں بھی کلین سویپ مکمل کرلیا۔
مانٹ مونگانوئی میں کھیلے جانے والے تیسرے ٹی ٹوئنٹی میچ میں نیوزی لینڈ نے بنگلہ دیش کو 27 رنز سے شکست دے کر میچ اور سیریز جیت لی۔نیوزی لینڈ نے پہلے بیٹنگ کرتے ہوئے مقررہ 20 اوورز میں چار وکٹوں کے نققان پر 194 رنز بنائے۔ میزبان ٹیم کی جانب سے کین ویلیم سن اور جیمز نیشم نے اننگز کا آغاز کیا اور پہلی وکٹ کی شراکت میں 34 رنز بنائے۔نیوزی لینڈ کی جانب سے کوری اینڈرسن نے دو چوکوں اور دس چھکوں کی دھواں دھار بیٹنگ کی مدد سے 94 رن بنائے اور آٹ نہیں ہوئے۔
بنگلہ دیش کی جانب سے روبیل حسین نے تین کھلاڑیوں کو آؤٹ کیا۔
مہمان ٹیم 195 رنز کے ہدف کے تعاقب میں مقررہ 20 اوورز میں چھ وکٹوں کے نقصان پر 167 رنز ہی بنا سکی۔ بنگلہ دیش کی جانب سے تمیم اقبال اور سومیا سرکار نے اننگز کا آغاز کیا اور پہلی وکٹ کی شراکت میں 44 رنز بنائے۔مہمان ٹیم کی جانب سے سومیا سرکار نے چھ چوکوں کی مدد سے 42 اور شکیب الحسن نے چار چوکوں کی مدد سے 41 رنز بنائے۔
نیوزی لینڈ کی جانب سے ٹرینٹ بولٹ اور آئی ایس سوڈھی نے دو دو جب کہ مچل سنٹر اور کیم ویلیم سن نے ایک ایک کھلاڑی کو پویلین کی راہ دکھائی۔
