سابق کپتان وسیم اکرم نے عدالت میں فائرنگ سے متعلق کیس میں صلح نامہ جمع کرادیا۔
وسیم اکرم کی گاڑی پر فائرنگ سے متعلق کیس کی سماعت کے دوران جوڈیشل مجسٹریٹ شرقی کی عدالت میں ان کے منیجرنے عدالت میں پیش ہوکربتایا کہ وسیم اکرم نے ملزمان سے صلح کرلی ہے۔وسیم اکرم کے پیش نہ ہونے پر عدالت نے ریمارکس دیے وسیم اکرم کو بلوائیں ورنہ تفتیشی افسر گرفتار کرکے لائیں گے۔چاہے وزیر اعظم ہی کیوں نہ ہوں عدالت بلائیگی تو آناہوگا۔تھوڑی ہی دیر بعد وسیم اکرم نے عدالت میں پیش ہوکر صلح نامہ جمع کرادیا جسے عدالت نے منظور کرلیا۔
