ایڈیلیڈ سٹرائیکرز کے کیوی سپنر ایش سودی نے بگ بیش ٹی ٹونٹی کرکٹ لیگ تاریخ میں دوسری بہترین باؤلنگ کا اعزاز حاصل کر لیا۔
ایش سودی نے بدھ کو سڈنی تھنڈر کے خلاف کھیلے گئے میچ میں تباہ کن باؤلنگ کا مظاہرہ کرتے ہوئے 3.3 اوورز میں 11 رنز کے عوض 6 کھلاڑیوں کو پویلین کی راہ دکھا کر یہ کارنامہ انجام دیا، سودی کی غیرمعمولی کارکردگی کی بدولت سٹرائیکرز نے تھنڈر کو 77 رنز سے شکست فاش سے دوچار کیا۔
واضح رہے کہ بگ بیش تاریخ میں بہترین باؤلنگ کا اعزاز سری لنکن فاسٹ باؤلر لاستھ مالنگا کو حاصل ہے جنہوں نے 2012ء میں میلبورن سٹارز کی نمائندگی کرتے ہوئے پرتھ سکارچرز کے خلاف میچ میں 4 اوورز میں محض 7 رنز دے کر 6 وکٹیں حاصل کی تھیں۔