جنوبی افریقہ اور سری لنکا کی کرکٹ ٹیموں کے درمیان تیسرے ون ڈے میچ کے دوران شہد کی مکھیوں نے میدان میں دھاوا بول دیا جس کی وجہ سے میچ ایک گھنٹے تک رکا رہا۔
ہفتہ کو جنوبی افریقہ اور سری لنکا کی ٹیموں کے درمیان کھیلے گئے سیریز کے تیسرے ایک روزہ میچ میں سری لنکن اننگز کے 25 ویں اوور میں شہد کی مکھیوں نے میدان میں حملہ کر دیا تو گراؤنڈ میں موجود تمام کھلاڑی اور ایمپائرز پیٹ کے بل لیٹ گئے،گراؤنڈ سٹاف نے سپرے کی مدد سے مکھیوں کو بھگانے کی کوشش کی لیکن ناکام رہے جس پر میچ کو روک دیا گیا۔
بعدازاں آرگنائزرز نے پیشہ ور بی کیپر کو طلب کیا جس نے شہد سے بھرے کنٹنیر کا سہارا لیکر انہیں قابو کیا اور میچ ایک گھنٹہ تاخیر کے بعد دوبارہ شروع کیا گیا۔
