بھارت نے لیفٹ آرم اسپنر کلدیپ یادیو کو زخمی لیگ اسپنر امیت مشرا کی جگہ بنگلہ دیش کے خلاف واحد کرکٹ ٹیسٹ میچ کیلئے اسکواڈ میں شامل کر لیا گیا ہے۔
تفصیلات کے مطابق 22 سالہ یادیو کی پہلی بار اسکواڈ میں طلبی ہوئی ہے۔ بھارت اور بنگلہ دیش کے درمیان ٹیسٹ جمعرات سے شروع ہو گا۔بھارتی کرکٹ بورڈ کی طرف سے جاری کردہ بیان کے مطابق مشرا گھٹنے کی انجری کا شکار ہو گئے ہیں جس کی وجہ سے انہوں نے ٹریننگ سیشن میں بھی حصہ نہیں لیا، بھارتی میڈیکل ٹیم نے انہیں مزید آرام کا مشورہ دیا ہے اس لئے وہ بنگال ٹائیگرز کے خلاف ٹیسٹ میں ٹیم کی نمائندگی نہیں کریں گے اور ان کی جگہ کلدیپ یادیو کو ٹیم میں شامل کیا گیا ہے۔
