برطانیہ میں بیوی نے آئی فون کی ایپلیکیشن کی مدد سے خاوند کی دھوکہ دہی کا پتہ چلا لیا۔
برطانوی اخبار ڈیلی میل کی رپورٹ کے مطابق کے بی نامی خاتون نے اپنے ہاں دوسرے بچے کی پیدائش کے بعد خاوند کے روئیے میں تبدیلی محسوس کی جو کہ روزانہ گھر رات گئے لوٹنے لگا۔ اس جوڑے کی شادی 2013 میں ہوئی تھی۔
خاتون نے خاوند کی دفتری اوقات کے بعد موجودگی کا پتہ چلانے کے لئے خود کو آئی فون کی مدد سے فائینڈ مائی آئی فون پر لاگ آن کیا جس کے دوران پتہ چلا کہ اس کا شوہر گھر سے 10 کلومیٹرز دور کسی گھر میں موجود ہے۔
جس کے بعد خاتون نے 190 پونڈز کے عوض ایک سراغ رساں کی خدمات حاصلی کیں جس نے خاوند کی کسی دوسری خاتون کے ہاں موجودگی کی تفصیلات بارے بتایا جس پر خاتون نے اپنے اہل خانہ اور خاوند کے عزیزو اقارب کو اپنے ہی خا وند کی دوسری خاتون میں دلچسپی اور دھوکہ دہی کے بارے میں بتایا۔
