خیبر ایجنسی کے علاقے راجگال میں پاک فضائیہ کی کارروائی کے نتیجے میں کئی دہشتگرد ہلاک جبکہ ان کے زیر قبضہ متعدد ٹھکانے تباہ ہو گئے ہیں ۔
ڈی جی آئی ایس پی آر میجر جنرل آصف غفور کی طرف سے جاری ہونے والے بیان کے مطابق خیبرایجنسی کے علاقے میں راجگال میں پاک فضائیہ کے طیاروں نے رات گئے بمباری کی جس کے نتیجے میں خفیہ ٹھکانوں میں چھپے ہوئے کئی دہشتگرد ہلاک جبکہ ان کے زیراستعمال متعدد ٹھکانے تباہ ہو گئے ہیں ۔ ترجمان آئی ایس پی آر کے مطابق پاک فضائیہ کےطیاروں نے کارروائی افغانستان سے ملحقہ سرحدی علاقے میں کی ۔
