امریکہ میں پیدا ہونیوالی مادہ پانڈا باؤ باؤ جنوب مغربی چین کے صوبے چینگ ڈو میں گذشتہ روز پہنچ گئی۔
باؤ باؤ 23اگست 2013ء کو سمتھ سونین نیشنل زو واشنگٹن ڈی سی میں پیدا ہوئی تھی دوسرے پانڈوں کی طرح جو امریکہ میں پیدا ہوئے اور پھر دوسرے ملکوں میں لے جائے گئے ، باؤ باؤ کو بھی نئے ماحول میں اسی طرح کئی مسائل کا سامنا کرنا پڑے گا ، باؤ باؤ ایک مہینے تک کرنٹینا میں رہے گی جو چین کے کنزرویشن اینڈ ریسرچ سینٹر برائے پانڈا چینگ ڈو میں واقع ہے، وہ100 مربع میٹر کی اپنی رہائش گاہ میں اکیلی رہے گی۔
پانڈے کا یہ بچہ امریکہ میں مقامی بانس اور بسکٹ بطور خوراک استعمال کرتا رہا ہے تا ہم بتدریج وہ چینی خوراک کا بھی عادی ہو جائے گا ، اسے نئے چینی ماحول کے ساتھ ایڈجسٹ ہونے میں ایک سے ڈیڑھ سال لگے گا ۔
