چارسدہ کچہری دھماکے کے بعد ملک کے مختلف شہروں میں وکلا کی جانب سے عدالتی کاروائیوں کا بائیکاٹ کردیا گیاتھا، عدالتی کاروائیاں معطل ہونے سے سائلین کو شدید مشکلات کا سامنا رہا۔
چارسدہ تنگئی کچہری میں خود کش حملوں کے خلاف مختلف شہروں میں عدالتی کاروائیوں کا بائیکاٹ کیا گیا ۔ کچہری خود کش حملے کے خلاف پشاور سمیت صوبہ بھر میں وکلا کی ہڑتال کی کال پر کیاگیا۔ عدالت عالیہ اور اس کی ماتحت تمام عدالتوں میں وکلا نے عدالتوں کا بائیکاٹ کیا جس کے باعث کئی اہم نوعیت کے مقدمات کی سماعت ملتوی کر دی گئی جس سے سائلین کو مشکلات کا سامنا رہا۔
دوسری جانب پشاور اور کراچی میں وکلا کی سیکیورٹی کے حوالے سے وکلا کا جنرل باڈی اجلاس طلب کر لیا گیا جس میں حکومت سے عدالتوں میں سیکیورٹی کے فول پروف اقدامات کرنے کا مطالبہ کیا جائے گا۔سانحہ تنگی کچہری کے خلاف پنجاب کے کئی اضلاع میں وکلا کی جانب سے ہڑتال ک گئی اور سانحے کے خلاف وکلا تنظیمیں سراپا احتجاج رہیں۔
