امریکا کے شہر نیو آرلینز میں ایک بے قابو پک اپ ٹرک پریڈ دیکھنے والوں پر چڑھ دوڑی جس کے نتیجے میں تین سالہ بچے اور خاتون پولیس اہلکار سمیت 28 افراد زخمی ہو گئے۔
غیر ملکی میڈیا کے مطابق امریکی شہر نیو آرلینز میں پک اپ ٹرک متعدد گاڑیوں سے ٹکرانے کے بعد پریڈ دیکھنے والوں تماشائیوں پر الٹ گیا جس کے نتیجے میں 28 افراد زخمی ہو گئے۔ زخمیوں کو ہسپتال منتقل کر دیا گیا ہے جبکہ پانچ زخمیوں کی حالت تشویشناک ہے۔ زخمیوں میں تین سال کا بچہ ایک خاتون پولیس اہلکار شامل ہے۔ واقعے کے بعد پولیس نے ڈرائیور کو گرفتار کر لیا۔ پولیس کا کہنا ہے وہ نشے میں تھا ۔ زخمیوں میں شہریوں کی تعداد زیادہ ہے۔ پولیس واقعے کی تحقیقات کر رہی ہے ۔
