امریکی ریاست کیلی فورنیا میں ایک چھوٹا طیارہ رہائشی علاقےمیں دریا کے کنارہ گر کر تباہ ہوگیاجس کے نتیجے میں 3 افراد ہلاک اور 2 زخمی ہوگئے۔
غیر ملکی میڈیا کے مطابق انتظامیہ نے بتایا کہ حادثے کے نتیجے میں 5 افراد تاحال لاپتہ ہیں۔فیڈرل ایوی ایشن ایڈمنسٹریشن کے ترجمان ایان گریگور کے مطابق سیسنا 310 نامی طیارہ ‘نامعلوم وجوہات’ کی بنا پر لاس اینجلس کے مشرقی حصے میں مقامی وقت کے مطابق 4 بج کر 40 منٹ پر تباہ ہوا۔
فائربریگیڈ کے چیف آفیسر مائیکل مور نے حادثے کے بعد صحافیوں کو بتایا کہ طیارے میں 5 افراد سوار تھے، جو دو گھروں سے ٹکرا کر تباہ ہوگیا۔انتظامیہ کے مطابق حادثے کے وقت ان گھروں میں بھی لوگ موجود تھے جہاں آگ بھڑک اٹھی۔مائیکل موور کا مزید بتانا تھا کہ حادثے میں زخمی ہونے والی دو لڑکیوں کوریور سائیڈکمیونٹی اسپتال اور ریجنل میڈیکل سینٹرمنتقل کردیا گیا۔مائیکل مور کے مطابق طیارے میں سوار افراد نے سین جوس سے سفر کا آغاز کیا تھا اور وہ کسی چیئرلیڈنگ کانفرنس میں شرکت کے لیے لاس اینجلس میں موجود تھے۔
