نیوزی لینڈ اور جنوبی افریقہ کی کرکٹ ٹیموں کے درمیان چوتھا ون ڈے انٹرنیشنل (کل) بدھ کو ہیملٹن میں کھیلا جائے گا۔
تفصیلات کے مطابق مہمان ٹیم جنوبی افریقہ کو پانچ میچوں کی سیریز میں 2-1 کی برتری حاصل ہے، ہیملٹن میں کھیلے گئے پہلے میچ میں جنوبی افریقہ نے چار وکٹوں سے فتح حاصل کی، دوسرے میچ میں نیوزی لینڈ نے عمدہ کم بیک کیا اور 6 رنز سے کامیابی حاصل کرکے سیریز برابر کر دی، ویلنگٹن میں کھیلا گیا تیسرا میچ جنوبی افریقہ نے 159 رنز سے جیت کر سیریز میں ایک بار پھر برتری حاصل کر لی، دونوں ٹیموں کے درمیان پانچواں اور آخری ون ڈے 4 مارچ کو کھیلا جائے گا۔
