امریکی خاتون نے 4 فٹ لمبے مگر مچھ کو اپنے بچوں کی طرح پال پوس کر بڑا کرلیا ہے۔
ذرائع ابلاغ کے مطابق یہ پالتو مگر مچھ آج کل امریکہ میں لوگوں کی توجہ کا مرکز بنا ہوا ہے اور دور دور سے لوگ اسے دیکھنے آرہے ہیں۔ نئے نئے کپڑے، نیل پالش اورسجاوٹ کے دیگرمنفرد انداز اس پالتو مگرمچھ کی وجہ شہرت بنے ہوئے ہیں جس کا اہتمام اس کو پالنے والی خاتون کی جانب سے کیا جا رہا ہے۔
امریکی ریاست پنسلوانیا سے تعلق رکھنے والی خاتون اپنے پالتو مگرمچھ سے اس قدر محبت کرتی ہیں کہ اسے ہر وقت اپنے ساتھ رکھتی ہیں۔انجیلا لانس نہ صرف مگرمچھ کو نئے کپڑے پہناتی ہیں بلکہ اسے نیل پالش بھی لگاتی ہیں،4 فٹ لمبے مگر مچھ کی لاڈ پیار سے بھری اس کہانی کی دھوم مچی ہوئی ہے۔
