بھارتی فوج نے لائن آف کنٹرول کے چری کوٹ سیکٹرمیں بلااشتعال فائرنگ کی جس کے نتیجے میں 2افرادزخمی ہوگئے۔
اتوار کو پاک فوج کے شعبہ تعلقات عامہ (آئی ایس پی آر ) کے مطابق بھارتی فوج نے لائن آف کنٹرول کے چیر ی کوٹ سیکٹر میں بلا اشتعال فائرنگ کی ۔ بھارتی فوج نے چغر گاؤں میں شہری آبادی کو نشانہ بنایا جس سے 60سالہ شخص اور15سالہ بچی زخمی ہوئے جنہیں قریبی اسپتال منتقل کردیا گیا ۔ پاک فوج نے بھارتی فائرنگ کا مؤثرجواب دیتے ہوئے دشمن کی گنوں کو خاموش کرادیا۔
