مڈغاسکر میں سمندری طوفان ایناوو کی لپیٹ میں آ کر 50 افراد ہلاک اور 200 زخمی ہو گئے۔
غیر ملکی میڈیا کے مطابق مڈغاسکر کی حکومت نے بتایا ہے کہ سمندری طوفان ایناوو کی لپیٹ میں آ کر کم از کم 50 افراد ہلاک ہو گئے ہیں۔ یہ طوفان گزشتہ منگل کو مڈغاسکر سے ٹکرایا تھا۔ قدرتی آفتوں سے نمٹنے والے ادارے کے مطابق ہلاکتوں کے علاوہ 200 کے قریب زخمی بھی ہیں۔
ایک لاکھ سے زائد انسان کو بے گھری کا سامنا ہے۔ ایناوو طوفان جس وقت مڈغاسکر سے ٹکرایا، اس وقت طوفانی جھکڑوں کی رفتار 225 کلومیٹر فی گھنٹہ تھی۔ یہ کیٹگری چار کا طوفان تھا۔ مڈ غاسکر کی حکومت کے مطابق ابھی تک طوفان سے پہنچنے والے نقصان کا پوری طرح اندازہ نہیں لگایا جا سکا ہے۔
