ہیٹی میں راہگیرکوکچل کرفرارہونیوالے بس ڈرائیور نے بس ہجوم پرچڑھا دی جس کے نتیجے میں 35 افراد ہلاک اور 15 زخمی ہوگئے،مشتعل افراد کی مسافروں سمیت بس جلانے کی کوشش،پولیس نے ڈرائیور کو گرفتار کرلیا۔
غیرملکی میڈیا کے مطابق ہیٹی میں راہگیرکوکچل کرفرارہونیوالے بس ڈرائیور نے بس ہجوم پرچڑھا دی۔حکام کا کہنا ہے کہ بس کی زد میں آکر 35 افراد ہلاک ،15 زخمی ہوگئے۔ واقعے کے بعد مشتعل افراد نے مسافروں سمیت بس جلانے کی کوشش کی ۔پولیس نے بس ڈرائیور کوحراست میں لے لیا۔ پولیس حکام کا کہنا ہے کہ بس ڈرائیور نے فرار ہونے کی کوشش کے دوران بس سڑیٹ موسیقاروں کے ایک گروپ پر چڑھا دی۔ واقعہ ہیٹی کے شہر گونئیوز میں پیش آیا جو پورٹ او پرنس کے تقریبا 90 میل کے فاصلے پر موجود ہے ۔زخمیو ں کو فوری طور پر قریبی ہسپتالوں میں منتقل کردیا گیا۔
