لبنان میں 4 سالہ بچے سے گولی چل گئی‘ ماں جاں بحق

بیروت (انٹرنیشنل ڈیسک) لبنان میں ایک خاتون اپنے 4 سالہ بچے کے ہاتھوں غلطی سے گولی چل جانے کے باعث موت کے منہ میں چلی گئی۔ نیشنل نیوز ایجنسی کے مطابق یہ واقعہ پیر کے روز جنوبی قصبے کفرا میں پیش آیا۔ واضح رہے کہ جمعے کے روز بھی اسی سے ملتے جلتے واقعے میں ایک دوسرے قصبے میں 11 سالہ لڑکے نے غلطی سے ایک 8 سالہ بچے پر گولی چلا دی تھی۔ لبنان میں ہتھیاروں سے متعلق قوانین زیادہ سخت نہیں ہیں۔