ہنگامی لینڈنگ کے دوران بھارتی  فضائیہ کا طیارہ تباہ‘ پائلٹ اور دیگر محفوظ رہے

نیو دہلی (انٹرنیشنل ڈیسک) ریاست تلنگانہ میں بھارتی فضائیہ کا تربیتی طیارہ گر کر تباہ ہوگیا۔ بھارتی میڈیا کے مطابق ریاست تلنگانہ کے علاقے کیسرا میں بھارتی فضائیہ کا تربیتی طیارہ فنی خرابی کے باعث گر کر تباہ ہوگیا۔ بھارتی فضائیہ کی جانب سے واقعے کی تصدیق کردی گئی ہے۔ بھارتی فضائیہ کے ترجمان کی جانب سے جاری بیان میں کہا گیا ہے کہ طیارے نے حیدر آباد دکن میں واقع فضائیہ کی ایک ٹریننگ اکیڈمی سے اُڑان بھری تھی اور اس کی منزل کیسرا تھی، (باقی صفحہ 9 نمبر 20)
طیارے میں پائلٹ سمیت 3 افراد سوار تھے۔ دوران پرواز طیارے میں فنی خرابی کے باعث پائلٹ نے ہنگامی لینڈنگ کی۔ لینڈنگ کرتے ہی طیارے میں آگ بھڑک اٹھی تاہم اس میں سوار تینوں افراد بحفاظت نکلنے میں کامیاب ہوگئے ۔
بھارتی طیارہ تباہ