عظمیٰ کاشف
اٹھو اب وقت آیا ہے
مسلط ہوگئی ہے ظلمت ِ شب
کفر نے آج پھر یوں سر اٹھایا ہے
تمام امت ہے مانند جسم کے ایک
حبیبؐ کبریا نے فرمایا ہے
تڑپا ہے بدن کا ایک حصہ
پریشانی میں سارا جسم آیا ہے
ہوئے کفر و الحاد یکجا
کہ خونِ مسلم ان کو خوب بھایا ہے
خزاں ہے امتِ عالم پہ چھائی
قیامت کا ہے منظر پُرفتن یہ وقت آیا ہے
نہ اٹھے اب تو پھر یہ یاد رکھو
ذرا تاریخ کے تم صفحات پلٹو
مٹا کر غافلوں کو پھر خدا نے
جگہ ان کی کسی کو پھر وہ لایا ہے
’’وان عدتمہ فعدنا‘‘ قول رب ہے
کلامِ آخری‘ قرآن میں آیا ہے
