لیگی رہنما ماروی میمن کی اپنی ہی قیادت کو دھمکی

ویب ڈیسک -
704

سابق وفاقی وزیر اور ن لیگی رہنما ماروی میمن طویل عرصے بعد سیاسی منظر نامے پر واپس آگئیں اور واپس آتے ہی انہوں نے نے ن لیگی قیادت کو آڑے ہاتھوں لیتے ہوئے کہا ہے کہ اگر حقائق سے پردہ اٹھایا تو ن لیگی قیادت کی اعلی اخلاقیات کی امیج کا جنازہ نکل جائے گا۔

 ماروی میمن نے خبردار کیا کہ اگر انہوں نے حقائق سے پردہ اٹھا دیا تو ن لیگی قیادت کی اخلاقیات کا کچا چٹھا سامنے آجائے گا۔

 

انہوں نے کہا کہ پاکستان مسلم لیگ (ن) کا امیج پہلے ہی ان کی بے وقوفیوں کی وجہ سے کافی خراب ہے۔وہ نہیں چاہتیں کہ اس میں مزید اضافہ ہو۔

ماروی میمن کے سماجی رابطے کی ویب سائٹ پر جاری کردہ بیان نے سیاسی حلقوں میں کافی ہلچل مچا دی۔ انہوں نے اپنی ہی پارٹی کی قیادت پر سخت تنقید کی ہے جسے سیاسی مبصرین ’بے وجہ‘ قرار نہیں دے رہے ہیں۔

ماروی میمن کا کہنا  تھا کہ ن لیگ کی جانب سے ان کے خلاف کردار کشی کی مہم چلائی جا رہی ہے، اگر یہ سب کچھ بند نہ ہوا، تو وہ حقائق پر سے پردہ اٹھانے پر مجبور ہو جائیں گی۔

انہوں نے کہا ہے کہ پاکستان مسلم لیگ (ن) کے رہنما اور پارٹی کارکنان جو (ن) لیگ کے دو لیڈرز کے بارے میں بات کر رہے ہیں انہیں بتانا چاہتی ہوں کہ آپ کبھی بھی نہیں چاہیں گے کہ میں اصل کہانی کو سامنے لے کر آﺅں اس لیے مجھے مجبور نہ کریں۔

مزید خبریں