پختونخواکابینہ میں توسیع کا معاملہ: وزیر اعظم نے وزیر اعلیٰ کواختیار دیدیا

پشاور(آن لائن)خیبرپختونخوا کابینہ میں ممکنہ ردوبدل اور توسیع کے معاملے پر وزیراعظم عمران خان نے وزیر اعلیٰ محمود خان کو خود فیصلہ کرنے کااختیار دے دیا ۔وزیراعلیٰ ہائوس کے ذرائع کے مطابق وزیراعظم نے ہدایت دی ہے کہ جو بھی تبدیلی کرنی ہے وہ میرٹ اور کارکردگی کی بنیاد پر کی جائے۔ذرائع نے بتایا کہ 4 وزرا کے محکموں میں ردوبدل کا فیصلہ کیا گیا ہے تاہم کسی کو فارغ نہیں کیا جائے گا۔بتایا جارہا ہے کہ وزیر صحت ہشام انعام، وزیر معدنیات ڈاکٹر امجد اور وزیر مواصلات اکبر ایوب کے محکمے تبدیل ہوں گے جبکہ مشیر تعلیم ضیا اللہ بنگش کو بھی متبادل محکمہ دیاجا سکتا ہے۔ذرائع نے بتایا کہ وزیر اطلاعات شوکت یوسفزئی کو ہائر ایجوکیشن ،وزیر خزانہ تیمور سلیم کو تعلیم کے اضافی محکمے حوالے کرنے پر غور کیا جارہا ہے۔کابینہ میں قبائلی ارکان صوبائی اسمبلی اور خواتین کو بھی نمائندگی دی جائے گی۔وزیراعلیٰ محمود خان نے پی ٹی آئی کے قریبی ساتھیوں سے اس حوالے سے مشاورت شروع کردی ہے جبکہ ردوبدل اور توسیع کا اعلان وزیراعظم کی امریکا سے واپسی پر متوقع ہے۔
پختونخوااسمبلی