اسلام آباد اور پشاور سمیت شمالی علاقوں میں زلزلے کے جھٹکے

پشاور(آن لائن)اسلام آباد، پشاور سمیت شمالی علاقہ جات میں زلزلے کے جھٹکے محسوس کیے گئے، پی ایم ڈی کے مطابق زلزلے کی شدت 5.8 اور گہرائی 157 کلو میٹر ریکارڈ کی گئی، زلزلے کا مرکز کوہ ہندوکش ریجن افغانستان کا علاقہ تھا۔ مانسہرہ، بالاکوٹ، چترال، سوات، دیر بالا، شمالی وزیرستان، کرم ایجنسی، بٹگرام، مالاکنڈ، نوشہرہ، غذر، مری اور گردونواح میں زلزلے کے جھٹکے محسوس کیے گئے ،زلزلے کے جھٹکوں کے باعث لوگوں میں خوف و ہراس پھیل گیا اورشہری کلمہ طیبہ کا ورد کرتے ہوئے گھروں سے باہرنکل آئے تاہم تاحال کسی بھی جانی و مالی نقصان کی اطلاع موصول نہیں ہوئی۔ واضح رہے کہ گزشتہ ماہ آزاد کشمیر اور خیبرپختونخوا کے علاقوں میں شدید زلزلے سے بڑے پیمانے پر انفرا اسٹرکچرتباہ اور30 سے زائد افراد جاں بحق ہوئے تھے۔
زلزلے کے جھٹکے