امریکہ کی مشرقی ریاست میری لینڈ کے علاقہ بالٹی مور میں مظاہرین کے ایک گروپ نے ملک کے یوم آزادی پر کرسٹورفر کولمبس کامجسمہ اکھاڑ کر شہر کی اندرونی بندرگاہ میں پھینک دیا۔
بالٹی مور سن کی رپورٹ کے مطابق ایک ویڈیو میں دیکھا جا سکتا ہے کہ مظاہرین ایک رسے کی مدد سے مجسمہ اتار رہے ہیں جبکہ فاصلے پر 4جولائی کی آتشبازی جاری ہے۔
1984میں وقف شدہ مجسمہ امریکہ کی تازہ ترین یادگار ہے جسے 25مئی کو افریقی نژاد امریکی شہری جارج فلائیڈ کی پولیس کی تحویل میں ہلاکت کے حوالے سے نسلی امتیاز اور پولیس کی بربریت کیخلاف قومی احتجاج کے دوران گرایا گیا ہے۔