اس بیماری کا میڈیکل نام تو ویسے اینسفلیٹس لیتھارجیکا ہے لیکن عمومی طور پر اسے سونے کی بیماری ہی کہا جاتا ہے۔ یہ ایک اُڑنے والے کیڑے کے کاٹنے سے پیدا ہونے والی سونے کی بیماری سے مختلف ہوتی ہے۔ یہ بیماری ایک وائرس سے ہوتی ہے لیکن وہ وائرس کی وہ کونسی قسم ہے، اس کے بارے میں ڈاکٹر لاعلم ہیں۔
اس بیماری میں مریض کو اتنی نیند آتی ہے کہ وہ کہیں بھی ہو، وہیں سوجاتا ہے۔ اس کے علاوہ مریض کو تیز بخار، گلے کی سوزش، سر درد، کمزوری، نزلہ بھی ہوتا ہے۔
اس بیماری کا کوئی علاج دریافت نہیں ہوا ہے۔ خیال یہی کیا جاتا ہے کہ مریض خود بہ خود ٹھیک ہوجاتا ہے تاہم یہ کیفیت کئی عرصے بھی برقرار بھی رہ سکتی ہے۔
