امریکا میں اسرائیل کے ’’آئرن ڈوم‘‘ میزائل دفاعی نظام کی جانچ

واشنگٹن (انٹرنیشنل ڈیسک) امریکا نے اسرائیل سے لیے گئے آئرن ڈوم فضائی دفاعی نظام کی جانچ شروع کردی۔ امریکی فوج کی جانب سے جاری بیان میں بتایا گیا کہ ٹیکساس کے فورٹ بلس فوجی اڈے پر نصب 2 آئرن ڈوم فضائی دفاعی بیٹریوں کوتجربات کے سلسلے میں فعا ل کیا گیا ہے۔ جانچ کا عمل 16 نومبر تک جاری رہے گا اور اس دوران اسے بری اور فضائی خطرات سے نمٹنے کے لیے استعمال کیا جائے گا۔ واضح رہے کہ ان 2بیٹریوں کو ستمبر میں ایک تقریب میں امریکا کے حوالے سے کیا گیا تھا،جس میں اسرائیلی وزیر دفاع بھی شریک ہوئے تھے۔