جونیاؤ (انٹرنیشنل ڈیسک) امریکی ریاست الاسکا کے ہوائی اڈے پر لینڈنگ کے دوران طیارے نے بھورے ریچھ کو کچل دیا۔ ایسوسی ایٹڈ پریس کی رپورٹ کے مطابق حادثے میں طیارے کو جزوی نقصان پہنچا، تاہم مسافر اور عملے کے افراد محفوظ رہے۔ ائرپورٹ کی انتظامیہ کا کہنا تھا کہ ریچھ اپنے بچے کے ساتھ رن وے پر موجود تھا۔ طیارے کی ٹکڑ سے ریچھ ہلاک ہوگیا، تاہم اس کا بچہ محفوظ رہا۔ حکام نے بتایا کہ طیارے کی لینڈنگ سے 10منٹ پہلے رن وے کو کلیئر قرار دیا گیا تھا۔ حادثے میں طیارے کے دائیں انجن کو نقصان پہنچا۔
