ہرارے (انٹرنیشنل ڈیسک) زمبابوے کے شمال مشرقی علاقے میں سونے کی کان بیٹھنے سے 40 مزدور اندر پھنس گئے۔ واقعہ دارالحکومت سے 70 کلو میٹر دور بن دورا نامی قصبے میں پیش آیا ۔ کھدائی کے دوران چند چٹانوں کو دھماکے سے اڑایا، تو اس کے نتیجے میں زمین بیٹھ گئی۔ حکام کا کہنا ہے کہ کان میں موجود مزدوروں کی صحیح تعداد کا علم نہیں ہو سکا۔ اندازے کے مطابق اندر 40افراد موجود ہیں، جب کہ امدادی کارروائیوں کے دوران 6افراد کو نکال لیاگیا۔ واضح رہے کہ زمبابوے 60 فیصد زرمبادلہ سونے کی تجارت سے حاصل کرتا ہے۔
