وزیراعلیٰ خیبرپختونخوا پرویز خان خٹک نے کہا ہے کہ ہمیں بنی گالا جانے سے کوئی طاقت نہ روک سکتی عدلیہ آزاد ہے ہم عدلیہ کا احترام کرتے ہیں لیکن وفاقی حکومت نے خود عدالت کی توہین کی اور راستے بند کئے ہم آج بنی گالا سے عمران خان کو نکال کرآزاد کریں گے اگر ہمارا راستہ روکا گیا تو ہم باغی بن جائیں گے یہ ملک کرپشن اور لوٹ مار کیلئے نہیں بنا نواز شریف سب سے بڑا چور جبکہ اسفندیار ولی سب سے بڑا ڈاکو ہے ان لوگوں نے ملک کو دونوں ہاتھوں سے لوٹا اور آج پاکستان کربوں روپے کا مقروض ہے ہم نے خیبرپختونخوا سے لوٹ مار اور کرپشن ختم کیا جبکہ وفاقی حکومت نے کرپشن سے ملک کھوکلا بنادیا ہے عمران خان پاکستان کا واحد لیڈر ہے جو لوٹ مار اور کرپشن کے خلاف نکلے ہے اور پوری قوم ان کے ساتھ ہے کیونکہ کرپشن لوٹ مار سے لوگ تنگ آچکے ہیں ہم نے قانون نہیں توڑا ہم وفاقی وزیرداخلہ چوہدری نثار سے پوچھتے ہیں جس کی اس نے خود خلاف ورزی کی ۔
ان خیالات کااظہارانہوں نے مانکی شریف میں ایک بڑے جلسے عام سے خطاب کرتے ہوئے کیا اس موقع پر صوبائی وزیرایکسائز اینڈ ٹیکسیشن میاں جمشیدالدین کاکاخیل، صوبائی سپیکر اسدقیصر، صوبائی وزیرتعلیم محمدعاطف خان، صوبائی وزیر شاہ فرمان، ضلعی ناظم لیاقت خان خٹک، ایم این اے عمران خٹک، ایم پی اے ادریس خٹک، ایم پی اے میاں خلیق الرحمن، ضلعی نائب ناظم حاجی اشفاق احمدخان، تحصیل ناظم نوشہرہ رضاء اللہ خان، نائب ناظم زرعالم خان کے علاوہ دیگر صوبائی قائدین بھی موجود تھے ۔
پرویز خان خٹک نے کہا کہ اسلام آباد میں نہتے عوام پر پولیس کا لاٹھی چارچ قابل مذمت ہے یہ کونسی جمہوریت ہے جس میں امریت سے بھی زیادہ ظلم کیاگیا عوام پرلاٹھی چارج اور انسو گیس کااستعمال کیاگیا انہوں نے کہا کہ احتجاج ہمارا حق ہے جس سے ہمیں کوئی نہیں روک سکتا جمہوریت میں اظہار رائے کی آزادی ہے اور ہم اپنے حق کیلئے احتجاجی مظاہرے اور جلسے کرتے رہیں گے نوازشریف یا اپنے آپ کو احتساب کیلئے پیش کریں یا مستعفی ہوجائے کیونکہ قوم کرپٹ وزیراعظم کو برداشت نہیں کرسکتے اس لئے اس ملک سے کرپشن اور لوٹ مار کے خاتمے کیلئے جو مہم شروع کررکھا ہے اس میں پوری قوم ہمارے ساتھ ہے۔
انہوں نے کہا کہ ہم آج دس بجے صوابی انٹرچینج سے اسلام آباد بنی گالا جائیں گے اور دو نومبر کو ہونے والے دھرنے میں بھرپور شرکت کریں گے اور عمران خان کی قیادت میں بنی گالا سے دھرنے کے مقام پر پہنچیں گے عوام کے سمندر کو کوئی نہیں روک سکتا کسی نے بھی رکاؤٹ ڈالی تو ذمہ داری ان پر ہوگی انہوں نے کہاکہ خیبرپختونخوا سے کرپشن ختم کردیا ہے پولیس، پٹواری اور محکموں میں انقلابی اصلاحات کرکے عوام کے خادم بنادئیے ہیں سابقہ حکومت نے لوٹ مار کے سوا کچھ نہیں کیا اور عوام کے مسائل حل کرنے کی بجائے اپنی جیبیں بھری اور ترقیاتی منصوبوں میں اربوں روپے کی کرپشن کی۔
