بھارت نے کہا ہے کہ پاکستان کے ساتھ تعلقات سرد مہری کا شکار ہوگئے ہیں تاہم ماہی گیروں اور قیدیوں کے دوطرفہ تبادلے پر کوئی اثر نہیں پڑے گا۔
بدھ کو بھارتی میڈیا کے مطابق وزیر مملکت برائے خارجہ امور وی کے سنگھ نے لوک سبھا کو بھارتی ماہی گیروں کی گرفتاری کے حوالے سے ایک سوال کے جواب میں بتایا کہ اگر چہ پاکستان اور بھارت کے درمیان تعلقات میں سرد مہری آئی ہے لیکن اس سے دونوں ممالک کے درمیان ماہی گیروں اور قیدیوں کے دوطرفہ تبادلے پر کوئی اثر نہیں پڑے گا۔۔دونوں جانب سے پکڑے جانے والے قیدیوں کی رہائی کو یقینی بنانیکے میکینزم پر عمل درآمد جاری ہے ۔
