تیونس کے سکیورٹی حکام نے برلن کی کرسمس مارکیٹ پر حملہ کرنے والے انیس عامری کے بھانجے کو حراست میں لے لیا ہے۔
میڈیا رپورٹس کے مطابق حکام نے عامری کے بھانجے کے ساتھ دو اور افراد کو بھی حراست میں لیا ہے۔ گرفتار ہونے والوں کی عمریں اٹھارہ سے ستائیس برس کے درمیان ہیں۔ تیونسی سکیورٹی ذرائع کے مطابق یہ تمام لوگ ایک دہشت گرد نیٹ ورک کا حصہ ہیں۔ تیونسی وزارت داخلہ کے مطابق انیس عامری کئی برسوں سے اپنے بھانجے کے نام رقوم روانہ کرنے کے علاوہ انتہا پسندی کی ترویج بھی کرتا رہا تھا۔ عامری اپنی بہن کے بیٹے کو داعش کی ’اطاعت و بیعت‘ کرنے کی ترغیب بھی دیا کرتا تھا۔ تیونسی سکیورٹی حکام نے تینوں مشتبہ افراد کے نام افشاء نہیں کیے ہیں۔