فرانس کے علاقے نار منڈی میں بنائی گئی ایک کلو میٹر طویل دنیا کی پہلی شمسی سڑک ٹریفک کے لئے کھول دی گئی۔
اس سڑک کو واٹ وے کا نام دیا گیا ہے جس سے روانہ دو ہزار گاڑیاں گزریں گی ،سڑک پر دو ہزار آٹھ سو اسی شمسی پینل نصب کیے گئے ہیں ۔اندازے کے مطابق 280 میگا واٹ پر گھنٹہ کی مقدار میں بجلی پیدا کی جاسکے گی۔اس سڑک کو آزمائش کے طور پر بنایا گیا ہے ،اس کی آزمائش دو سال تک جاری رہے گی۔
واضح رہے کہ شمسی پینل بہت نازک ہوتے ہیں اور زیادہ وزن برداشت نہیں کرپاتے لیکن واٹ وے میں تنصیب کے لیے شمسی پینلوں کو اتنا مضبوط بنایا گیا ہے کہ اگر ان پر سے کار یا ٹرک بھی گزر جائے تو انہیں کچھ نہیں ہوتا۔
