امریکا کے شہر نیو یارک میں ہالی وڈ کے ستاروں سمیت ہزاروں افراد نے نومنتخب امریکی صدر ڈونلڈ ٹرمپ کے خلاف احتجاجی مظاہرے میں شرکت کی۔
امریکی میڈیا کے مطابق یہ مظاہرہ ڈونلڈ ٹرمپ کی حلف برداری کے موقع پر کیا گیا اور اسطرح کے مظاہرے امریکا کے دیگر شہروں میں بھی ہو رہے ہیں، نیو یارک میں ہزاروں کی تعداد میں مظاہرین ٹرمپ ٹاور کے باہر جمع ہوگئے۔ مظاہرین نے پلے کارڈ اوربینرز اٹھا رکھے تھے جن پر ڈونلڈ ٹرمپ اورانکی پالیسیوں کے خلاف نعرے درج تھے۔ مظاہرے میں ہائی وڈ کے معروف اداکاروں رابرٹ ڈینیرو ، سیلی فیلڈ اور مارکرو پالو سمیت متعدد ستاروں نے شرکت کی ، مظاہرے کے موقع پر سیکیورٹی کے سخت انتظامات کئے گئے تھے تاہم اس دوران کوئی ناخوشگوار واقعہ رونما نہیں ہوا۔
