جنوبی افریقہ کے ماہرین اراضیات نے ماریشس کے قریب ساڑھے آٹھ کروڑ سال قبل غائب ہو والا براعظم دریافت کرنے کا دعوی کیا ہے۔
ہفتہ کو ذرائع ابلاغ کے مطابق سائنس دانوں کا کہناہے کہ برصغیر اور مڈغاسکراسی لاپتہ براعظم ماریشیاء کا حصہ ہیں ۔ براعظم کا دیگر حصہ ساڑھے آٹھ کروڑ سال قبل سمندر میں ڈوب گیاتھا ۔ ماہرین اراضیات کے مطابق براعظم ڈوبنے کی وجوہات جاننے کی کوشش کی جارہی ہے جس سے کرہ ارض پر آنے والی تبدیلیوں کا پتہ چلانے میں مدد ملے گی ۔ یہ براعظم پہلے انٹارکٹیکا، افریقہ، آسٹریلیا اور جنوبی افریقہ پر مشتمل عظیم براعظم گوڈوآنا کا حصہ تھا۔
