بھارت نے ہنگامی بنیادوں پر گولا بارود کی خریداری کیلئے 20 ہزار کروڑ روپے کے سودوں پر دستخط کردیے۔اس کا مقصد بھارتی فوج کو کم وقت میں جنگ کے لئے تیار رکھنا ہے۔
بھارتی اخبار کی رپورٹ کے مطابق بھارت نے اڑی واقعے کے بعد اسلحے کی ہنگامی خریداری کا پلان بنایااور تین ماہ کے دوران ہنگامی سودوں پر دستخط کئے ہیں جن کی مالیت 20 ہزار کروڑ ہے۔گولا بارود کے لئے اسرائیل، فرانس اور روس سے خریداری پر خصوصی توجہ دی گئی ہے،بھارتی وزارت دفاع کے مطابق اسلحہ خریداری کا مقصد جنگ میں 10 دنوں تک اسلحےکی فراہمی یقینی بنانا ہے۔
