امریکا کے ایک قانون دان نے کہا ہے کہ فلوریڈا کے ایک ایئرپورٹ پر امریکی حکام نے ماضی کے مایہ ناز باکسر محمد علی کے بیٹے کو دو گھنٹے حراست میں رکھا اور ان سے مسلمان ہونے اور نام محمد علی جونیئر ہونے کے حوالہ سے سوال جواب کئے۔
ہفتہ کو ذرائع ابلاغ کی رپورٹس کے مطابق قانو ن دان کرس منسینی نے بتایا کہ باکسر محمد علی کی دوسری اہلیہ خلیلہ کماچو علی اپنی بیٹے محمد علی جونیئر کے ہمراہ جمیکا سے واپس آرہی تھیں کہ ان سے فور ٹ آڈر ڈالے ہالی ووڈ ائر پورٹ پر کسٹمز اور امیگریشن حکام نے دو گھنٹے تک پوچھ گچھ کی اور ان سے مسلمان ہونے اور نام محمد علی جونیئر ہونے کے حوالہ سے سوا لات کئےاور بعدازاں انہیں جانے کی اجازت دی۔
