پاکستان سپر لیگ کے فائنل سے قبل تیار کیے گئے نئےانکلوژر کا افتتاح کل ہوگا۔
پی ایس ایل فائنل کے لاہور میں منعقد کرنے کے حوالے سے قذافی اسٹیڈیم لاہور میں پاکستان کرکٹ بورڈ کا اجلاس چیئرمین شہریار خان کی زیر صدارت ہوا، جس میں فائنل کے لئے کی جانے والے تیاریوں کا جائزہ لیا گیا۔ اجلاس میں چیئرمین پی سی بی ایگزیکٹو کمیٹی اور پی ایس ایل گورننگ کونسل کے سربراہ نجم سیٹھی، چیف آپریٹنگ آفیسر سبحان احمد اور دیگر عہدیداروں نے بھی شرکت کی۔
اجلاس میں شرکاءکو پی ایس ایل فائنل کے لئے کیے جانے والے انتظامات کے حوالے سے بریفنگ دی گئی۔ فائنل سے قبل تیار کیے گئے خصوصی نئے فار اینڈ انکلوژر کا افتتاح کل چیئرمین پی سی بی کریں گے۔
