ڈونلڈ ٹرمپ کا اوباما پر فون کالز ٹیپ کرنے کا الزام

ویب ڈیسک -
196

امریکی صدر ڈونلڈ ٹرمپ نے سابق صدر براک اوباما پر الزام عائد کرتے ہوئے کہا کہ ان کے منتخب ہونے سے ایک ماہ قبل ان کی فون کالز ٹیپ کی تھیں۔

امریکی صدر ڈونلڈ ٹرمپ نے سماجی رابطے کی ویب سائٹ ٹوئیٹر پر اظہار خیال کرتے ہوئے کہ مجھے ابھی معلوم ہوا ہے کہ اوباما نے میری جیت سےایک ماہ قبل ٹرمپ ٹاور میں  میرافون ٹیپ کیا۔ کچھ نہیں ملا، یہ مشتبہ کارروائی ہے۔ تاہم امریکی صدر نے اپنے اس دعوی کو صحیح ثابت کرنے کے لیے مزید کوئی معلومات فراہم نہیں کیں یا انھوں نے یہ بھی نہیں بتایا کہ وہ کس عدالتی فیصلے کی جانب اشارہ کررہے ہیں۔

صدر ٹرمپ نے اپنی ٹویٹ میں مزید کہا کہ ایک اچھا وکیل اس معلومات سے مقدمہ بنا سکتے ہیں کہ سابق صدر اوباما اکتوبر میں انتخاب سے قبل فون ٹیپ کر رہے تھے۔

خیال رہے کہ اس قبل امریکی صدر ڈونلڈ ٹرمپ کا کہنا تھا کہ ریپبلکن سیاستدانوں کے خلاف احتجاج اور قومی راز افشا ہونے کے پیچھے سابق صدر براک اوباما کا ہاتھ ہو سکتا ہے۔

مزید خبریں