جنوبی کوریا کی اعلی ترین آئینی عدالت کی طرف سے صدر پاک گن ہے کو اقتدار سے الگ کرنے کے فیصلے کے بعد شروع ہونے والوں مظاہروں کے نتیجے میں ہلاک ہونے والوں کی تعداد 3 ہوگئی۔
غیرملکی میڈیاکے مطابق جنوبی کوریا کی اعلی ترین آئینی عدالت کی طرف سے صدر پاک گن ہے کو اقتدار سے الگ کرنے کے فیصلے کے بعد شروع ہونے والوں مظاہروں کے نتیجے میں ہلاک افرادکی تعداد 3 ہوگئی ہے ۔بدعنوانی کے الزامات کا سامنا کرنے والی جنوبی کوریا کی اس خاتون سیاستدان کو ان کے مواخذے کے تحت اقتدار سے الگ کرنے کا فیصلہ سنایا گیا، تاہم گزشتہ روز اس فیصلے کے بعد پاک گن ہے کے حامیوں اور سکیورٹی فورسز کے مابین جھڑپیں شروع ہو گئی تھیں۔
مقامی میڈیا کے مطابق گزشتہ روز مظاہروں کے دوران ایک چوہتر سالہ شخص اچانک بے ہوش ہو گیا، جو آج ہفتے کو ایک ہسپتال میں انتقال کر گیا۔ لی نامی اس شخص کی موت کی وجہ معلوم نہیں ہو سکی۔
