کے الیکٹرک کی غلط بیانی

روزنامہ جسارت میں 31 مئی بروز جمعرات کو کے الیکٹرک کے متعلق شائع ہونے والی خبر کے حوالے سے میں بحیثیت ایک عام شہری یہ واضح کرنا چاہتی ہوں کہ کے الیکٹرک کی جانب سے سندھ ہائیکورٹ میں جمع کروایا گیا یہ جواب کہ بن قاسم پلانٹ کی مرمت کے بعد اب شہر کراچی میں کہیں بھی لوڈ شیڈنگ نہیں کی جا رہی ہے سراسر غلط بیانی اور حقائق کی نفی ہے۔ شہر کے مختلف علاقوں میں ناصرف لوڈ شیڈنگ بلاتعطل جاری ہے بلکہ رمضان کے مہینے کے احترام اور روزہ داروں اور نمازیوں کی آسانی سب کو نظر انداز کرتے ہوے سحروافطار اور تراویح کے اوقات میں بھی غیر اعلانیہ لوڈ شیڈنگ کا سلسلہ جاری ہے۔ متعلقہ اداروں سے گزارش ہے کہ وہ کے الیکٹرک کی غلط بیانیوں کے بجاے عوام الناس سے حقائق جاننے کی کوشش کریں اور کم از کم ماہ رمضان میں کراچی کے شہریوں کی حالت زار پر رحم کریں۔
رمشاء خان، جامعہ کراچی
khanramsha684@gmail.com