پشاور (صباح نیوز) پشاور ہائی کورٹ نے ارکان قومی اسمبلی محسن داوڑ اور علی وزیر کی ضمانت کی سماعت بنوں سے پشاور منتقل کرنے کی درخواست مسترد کردی۔ پیر کو پشاور ہائیکورٹ کے چیف
جسٹس وقار احمد سیٹھ نے پشتون تحفظ موومنٹ (پی ٹی ایم) کے رہنما محسن داوڑ اور علی وزیر کی ضمانت منتقلی کی درخواست کی سماعت کی۔ ایڈووکیٹ جنرل شمائل احمد بٹ نے درخواست مسترد کرنے کی استدعا کی۔ عدالت نے استدعا منظور کرتے ہوئے محسن داوڑ اور علی وزیر کی ضمانت منتقلی سے متعلق درخواست خارج کردی۔ محسن داوڑ اور علی وزیر نے کہا تھا کہ ان کی ضمانت کی درخواستوں کی سماعت بنوں سے پشاور منتقل کی جائے۔ واضح رہے کہ پی ٹی ایم کے دونوں رہنمائوں کے خلاف بنوں میں دہشت گردی کے مقدمات چل رہے ہیں۔
محسن داوڑ، علی وزیر
خوش آمدید! اپنے اکاؤنٹ میں لاگ ان کریں
اپنا پاسورڈ ريکور کريں
© Jasarat All Rights Reserved