پشاور: خیبر پختونخوا میں ایچ آئی وی ایڈز سے متاثرہ افراد کی تعداد میں تیزی سے اضافہ ہونے لگا، متاثرہ رجسٹرڈ افراد کی تعداد 4 ہزار سے بڑھ گئی۔
خیبر پختونخوا میں ایچ آئی وی سے متاثرہ افراد میں مردوں کی تعداد 3 ہزار سے زائد جبکہ خواتین کی تعداد 1ہزار سےتجاوز کرگئی ہے ۔ کےپی کے کے مختلف علاقوں میں مناسب علاج نہ ہونے کے باعث متاثرہ والدین کے بچوں میں بھی یہ وائرس پھیل رہا ہے ۔
دوسری جانب حیات آباد میڈیکل کمپلیکس کے ریکارڈ کے مطابق کباڑ کے کام سے منسلک اورانجکشن کے زریعے نشہ کرنے والوں کی تعدا زیادہ ہے جبکہ خواتین زچگی کے دوران ناقص آلات اور خون کی منتقلی کے باعث متاثرین کی تعداد میں مسلسل اضافہ دیکھنے میں آرہا ہے ۔
خیبر پختونخوا میں ایچ آئی وی سے متاثر رجسٹرڈ خواجہ سراؤں کی تعداد 25 ہے۔
واضح رہے کہ ایچ آئی وی سے متاثرہ افراد کے جسم میں قوت مدافعت کم ہو جاتی ہے جس سے انسانی جان خطرے میں پڑ سکتی ہے۔
