ڈی آئی خان‘دو موٹرسائیکلوں کے تصادم میں 2اسکول طالبعلم شدید زخمی

ڈیر ہ اسماعیل خان (آئی این پی)کڑی خیسورکے قریب چشمہ روڈ پر دو موٹرسائیکلوں کے تصادم میں 2 اسکول طالب علم شدید زخمی ہو گئے ‘ ایک شدید زخمی تشویشناک حالت کے باعث ڈیرہ اسپتال منتقل ۔ گورنمنٹ ہائرسیکنڈری اسکول ڈھکی میں میچ کھیلنے کے بعد واپس موٹرسائیکلوں پر جانے والے دوطالب علم کڑی خیسور کے قریب چشمہ روڈ پرآپس میں ٹکرا گئے جس سے دونوں طالب علم زخمی ہو گئے ‘ان کو اسپتال داخل کرا دیا گیا تاہم ایک زخمی کی حالت تشویشناک ہونے کے باعث ڈیرہ اسماعیل خان منتقل کردیا گیا ‘ایک طالب علم کا تعلق اٹھوگ اور دوسرے کا بھٹنیاں گائوں سے ہے۔