حکومت پنجاب نے عید تک شاپنگ مالز اور مارکیٹیں کھلے رکھنے کے اوقات کار میں اضافہ کردیا ہے۔
وزیراعلیٰ پنجاب عثمان بزدار نے اوقات کار بڑھانے کی منظوری دے دی ہے۔
وزیر تجارت میاں اسلم اقبال نے بتایا کہ عید تک شاپنگ مالز اور مارکیٹوں کیلئے کاروبار کرنے کا دورانیہ شام پانچ بجے سے بڑھا کر رات دس بجے تک کردیا گیا ہے۔
انہوں نے کل سے پنجاب میں مزارات کھولنے کا بھی اعلان کرتے ہوئے کہا کہ کل سے صوبے بھر میں مزارات بھی کھول دیے جائیں گے۔