اسٹیٹ بنک آف پاکستان نے تمام بنکوں کو عیدالاضحیٰ کی تعطیلات کے دوران اے ٹی ایم مشینوں کو فعال رکھنے اور کیش کی دستیابی کو یقینی بنانے کی ہدایت کی ہے۔
اسٹیٹ بنک آف پاکستان کے ترجمان کے مطابق تمام بنکوں اور مالیاتی اداروں کو ہدایت کی گئی ہے کہ وہ اپنی متعلقہ بنک برانچوں کی اے ٹی ایم مشینوں کو فعال رکھیں اور ان میں کیش کی وافر مقدار میں دستیابی کو یقینی بنائیں تاکہ بوقت ضرورت شہریوں کو عید کی تعطیلات کے دوران کیش کی سہولت مل سکے اور انہیں پریشانی کا سامنا نہ کرنا پڑے۔
